لاقية فيك
قصيدة بقلم :ناهد احمد
لاقية فيك كل اللي فات
لاقية حلم حلمت بيه
رقة حب حاجات كتير
بقلبي جرح داويلي فيه
اوعى تكون حلم و رايح
اوعى شغفك بيا جامح
و بعد القرب ألاقي نفسي
وحدي تاني ف قلب تيه
أوعى يكون قلبي اللي حبك
شاف في قربك طوق نجاة
و انت عارف ان حبك
رايح مليون اتجاه
يشهد الله ع اللي بيا
عمر ما كات وعودي غية
كل ما ف الأمر إني
انكسرت و شمتوا فيا
قالوا غالي و بردو سابك
تايهة في ملكوت أنين
عمره م فكر يوم يدور
أنتِ فين طول السنين
و لما جات له الفرصة تاني
قال دي سايبة بحور حنين
كنت هبلة جريت عليه
أصله جاني ف وقت ضيق
خدني من حضن الوجع
طفي فيا جبال حريق
قلت من بين الألوف
وحده عارف الطريق
و جات الخبطة تاني توجع
صوت يدوي م الألم
نفس اللي اتعرض ليه
بردو منه بدون ندم
شايف نفسه ياااه ضحية
و انا الشيطان الرجيم
ناسي أن العفة زوج
مش كلام الليل يدوب
كنت عارفة طريقي دايما
هو عاش حبيب يا دوب
ولما طلبت كلمة جد
اخدت منه وعد دين
فلحظة لبست ف حيطة سد
و الوعود لابسة الحزين
أصل الضغط عليه كتير
و الحياة شالت و حطت
ف يلا بلاها حب خايب
بلحظة الجرءة في عينه نطت
هانها مرة بعد مرة
ياسلام بمزاجها فطت
طب خلاص أنا اللي وحشة
أنا اللي سابت و أذت
أنا اللي جيت عليه و ناسية…
الوعود اللي اتحكت
أنا اللي و اللي و اللي و اللي
خلاص دي خلصت و اكتفت
هي دي كل الحكاية
لحد مجيت و خطفتني
ارجع ليك أنا م البداية
واطلبها منك ضمني
أوعى أبقا ف يوم تجارة
ترسم ليا خطوط نهاية
لك عليا يا ابن آدم
أعيد معاك كل الحكاية
حبيبي أغلى مَن رأيت
اكيد هاقدر ضمتك
أوعى تعمل زي غيرك
تقول وقفْت ف سكتك
أنا الحياة غدرت زيادة
و الجروح فروحي عادة
خلي بالك مني جدا
حبني و ليك السيادة
و ان مكنتش قد قولك
ابتعد ليك الإرادة
و يبقا زيك زي غيرك
وقتها ليا الريادة
اشتري نفسي و بلاها
عشرة أقرب للإبادة
تابعنا على جوجل نيوز
