الطب والتغذية

لو اتعرضت لعضة كلب لازم تاخد ٢١ حقنة “!!

“لو اتعرضت لعضة كلب لازم تاخد ٢١ حقنة “!!

كتير بنسمع الجملة دي بس هل هي صح ولا لاء !

كتبت وفاء سليمان محمد 

الحقيقة إن عضة الكلب و غيره من الثديات زي القطة و الفار مش دايماَ بنخاف منهم …إومال بيكونوا خطر امته؟

خليني أقولك إن الخطر بيكون في حالة إصابة الحيوان ده بمرض السعار لأنه ممكن يتنقل للإنسان وده مرض يصيب الجهاز العصبي وده بيكون صعب علاجه لأنه مرض نادر 

فلو كان الحيوان مُصاب بمرض السعار بندي المصل المضاد وده عبارة عن خمس حقن بيتاخد على ٢٨ يوم ؛بمعني جرعة في اليوم الأول وجرعة اليوم الثالث و السابع و الاربع عشر و الثامن والعشرين 

و بكده نكون عرفنا إن مفيش ٢١ حقنة و هم مجرد ٥ حقن و نقدر ندي المصل في خلال أسبوعين من الإصابة بالعضة و هيكون فعال 

ولكن برده لازم نحاول نتوجه للمستشفى في أقرب وقت  

طب اتصرف إزاي لو حد اتعض من كلب او إي حيوان ؟

•أول و أهم خطوة هي غسل مكان العضة بماية و صابون كويس عشان نشيل اللعاب الموجود

•نرفع الطرف المصاب و نبدأ نطهر الجرح بمادة مطهرة زي البيتادين و ده هيساعد نقتل أي فيروس موجود أو سبب عدوي عموماً

•ولو الجرح بينزف هنبدأ نحط قماشة نضيفة و نضغط على المكان و احنا رافعينه 

•نتوجه لأقرب مستشفى 

•تجنب لمس مكان العضة مباشرة لأن ممكن تنقل الفيروس عن طريق لو لمست عينك أو فمك بعد كده فدايماً خلى في حائل 

و بكده تكون قدمت للشخص الإسعافات الأولية اللي هتساعده يقلل خطر العضة بشكل كبير

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات .. متابعة

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي