قصيدة/ النسخة الثانية من قمر الليل
بقلم الشاعر/ محمد حسن “طائر الليل”
قصيدة/ النسخة الثانية من قمر الليل
بيضه وحلوه وعيونك سود
دخلتي حياتى غيرتى المود
يا جناين مفيهاش إلا ورود
من أول ما عرفتك حبيتك
واختارت أنك تبقيلى وقود
أنا عاوز اتجوز واتلم
وتكوني انتى إلى تلمينى
علشان ياحبيبتى الدنيا بحالها
مفيهاش إلا انتى تهمينى
وحياة الحب إلى مابينا
وحياة تركيزى فى تفاصيلك
أنا جوه عيونك والله هكمل كل سنينى
مين غيرك يستاهل أعيش وياه
وأحبه وأخرج وأتمشى معاه
أنا راضي إني أدخل جيشك
من غير ياحبيبتي أي مُعَفاه
تعرفي من قبل ماتيجى الدنيا
مكتوب فى كتابك ان ابقى نصيبك
وانا مش عالم غيب ولا حد بيفتى
أنا بس يادوب أبقى حبيبك
ودا وعد لأخر يوم ليا فى عمرى
أنا طول منا جمبك عمري مااسيبك
والله انتى لواحدك فى الدنيا
حسيت فى وجودها بكل آمان
بلسم روح ، دقات القلب
شايفك في حياتى سحاب
والعالم جمبك دخان
متربيه أخلاق ونزاهة
بنت أصول من بيت شبعان
انتى الورده الي بتمنوا
فى قلبى وتكبر جواه
انتى الدنيا واحلى حياه
انتي العالم وانتي الأجواء
ربنا يجعلنى الزوج الصالح
اديكي حنان من غير مُأساه
والله الحب دا يتعلم منك
إزاي يعرف معنى الحب
لو كان القلبين متفقين يبقى
العشاق يتقابلوا والمطره تصب
يوجد فرق مابين المانجا
فى حالة الأكل وحالة الشرب
علشان السكر بيغير طعم الحاجه
ودا نفس الفرق إلى مابينا
فى حالة البعد وحالة القرب
وأنا فى الحالتين حَبك بشذاجه
ربنا يعلم أنا ليه اختارتك
وأصريت أنك تبقيلى وأبقالك
علشان ياحبيبتى أنا ساكن
جواكى ومن بره تلاقينى خيالك
عاوزك دايماً فرحانه بدنياكي
علشان ياحبيبتى حبيبك قد جالك
انتى النسخة التانية من قمر الليل
لو فكرتي تعيشي مكانه السماء تصفالك
أقسم بالله الدنيا تهون وكل مافيها بيتعوض
إلا عيونِك انتى ياقمرى والله ماتتعوض نظره
شاورى بأيدك واختاري من السماء أحسن نجم
وأنا وحياة الحب إلى في قلبى أهديكى مجره
قولتها مرات وهقول تانى
لو حتى هقول يجى مليون مره
لو كل العشاق قالوا لبعض انتى بلادى
هتفوق وهقول ان انتى القاره.
قصيدة/ النسخة الثانية من قمر الليل
كلمات الشاعر / محمد حسن “طائر الليل”
Mohamed Hassan
تابعنا على جوجل نيوز
