قصيدة/ أفرح أنت بقيت شهيد
قصيدة/ أفرح أنت بقيت شهيد
بقلم : الشاعر محمد حسن “طائر الليل”
قصيدة/ أفرح أنت بقيت شهيد
يلا هاتوا الدور عليا
قهوتي بشربها ساده
كل عيلتى خلاص وداعاً
وانا مستنى الشهاده
انتوا كفره متعرفوش
يعنى اي معنى العباده
واحنا اقوى مهما يحصل
فينا قلب وفيه إراده
وانتوا مهما القوه توصل
انتوا أضعف من الجراده
بكره أخواتنا العرب
جاين معاهم القياده
إحنا أمه واحده دايماً
والمشهد ناقصه الإعاده
جيشنا عمره مايخلص أبداً
أمنا ربت وهيا لسه فى الولاده
يوسف أبيض شعره كيرلي
بدي يوسف روحوا هاتوه
عمار مش همشي غير معاك
أخ يبكي وهوا بيودع أخوه
وبدي شعره واحده منه
قبل حتى ماتدفنوه
كل دى أصوات فى بالنا
وجعت قلوبنا وقاعدين نعاني
صوت القزايف والقنابل
زلزلت سكان وداني
ضربه واحده بتيجى منهم
وقعت كل المباني
يتمت أطفال في بيتهم
والضربه التانيه اوام بتيجى
بتيجى بس علشان تجيبهم
ياعرب سايبنى ليه جوه القفص
مع كلب كلني ونام مكاني
يلا قبل فوات الأوان
الساعه ماشيه بالعقارب
كل العرب هدافها واحد
ودونا بس نروح نحارب
لو مفيش طيران ودونا بري
أو حتى بحري جوه قارب
دمنا حامي وفينا قوه
مافينا شخص طبعه هارب
أفتح الأبواب عليهم
أنت عربي بلاش توارب
البحرين والأردن والجزائر
سوريا والسودان وابن اليمن
يلا اجروا دفعه واحده
اخوكوا فيها اندفن
مصر والمغرب وتونس
الكويت وابن العراق
مفيش وقت خلاص نفكر
كل بيت فيه حد داق
اقفوا واقفه واحده دايماً
كلنا والله القضيه
مفيش أعظم من شرف
لو كنت للأقصى الضحيه
مع بعض يلا أيد فى أيد
القدس والله الوصيه
الصهاينة دى ناس يهود
معندهمش اي عرض
مش زينا منفرطوش
والله لو فى متر أرض
ياللي دمك راح فى أرضك
أفرح أنت بقيت شهيد
الدنيا حزن فى كل بيت
بس عندك تلاقيها عيد
شوفت ظلم طول حياتك
عشت فيها صامد عنيد
أفرح ربنا أختارلك شهاده
وأختارك انت تكون شهيد
قصيدة / أفرح أنت بقيت شهيد
كلمات الشاعر/ محمد حسن “طائر الليل”
Mohamed Hassan
تابعنا على جوجل نيوز