وخدانا الدُنيا ف سِكتها وسَاحرَة عيونا بزَهْوِتْها … بندور ونلف وراها… بنحاول نجري ونمد ف خطاوينا…نتعثر ونقوم.. ألغازها كتير…. غدارة لها بحر غويط! لا عتاب ولا لوم… خليك عالشط لو مبتعرفش تعوم! أما لو كنت فاكرها يا حِلو حقول ورد وبساتين. شمر قبل أما تشم علشان تغرز رجليك في الطين … طول عمره الورد يا واد محفوف بالشوك! بتقول إيه؟ آه يا عبيط بتعيب على مين عالأيام والسنين! جاهل طول عمرك حامِل حِمل أكبر مِنك بكتير هنقول إيه ناقص تربية وكمان ناقصك تعليم! بقلم وحيد صبري
دكتورة ايمي
أرسل بريدا إلكترونيا
