هل تعلم أصل مقولة ليه هو انت على راسك ريشة. متابعه اشرف عيد ……
اصل المقولة دى فرعونى و المقصود بيها ان اللى على راسه ريشة من أهل الجنة اللى نجحوا فى حساب ما بعد الموت
لان حسب عقيدة المصرى القديم فالمصرى لما بيموت و بيبدأ حسابه و بيعدى بمراحل متعددة اخرها انه يقف على الميزان امام الإلهة ماعت إلهة العدل عند المصريين و دى بيرسموها على المعابد فى صورة ست جميلة على راسها ريشة طويلة و بيبقى المسئول عن الميزان هو انوبيس اله الموت عند الفراعنة
و انوبيس بياخد قلب الميت و يحطه فى الميزان فى كفة و فى الكفة التانية ريشة ماعت
لو كفة القلب كانت اتقل يبقى ده معناه ان الميت كان شرير فييجى حيوان اسمه عمعموت و ده رجليه رجلين فرس النهر و بقيت جسمه جسم اسد و راسه راس تمساح و ياكل قلب الميت و بكده يتوه الميت فى الاخرة و تشقى روحه للابد
اما لو كفة ريشة ماعت كانت اتقل يبقى ده معناه ان الميت كان راجل كويس و يتقدم و تحط له ماعت ريشة ماعت على راسه ( زى ما هو موجود فى الصورة اللى فى التعليقات ) و ده معناه انه هايدخل الجنة و يعيش الحياة الابدية فى #مصر
لان المصريين القدماء كانوا بيعتقدوا ان مصر هى جنة الله
المصدر :
كتاب الموتى الفرعونى – السير واليس بودج
