مصيدة.. كانت معايا وانا باشرب القهوة وأسيب لها الفنجان عشان تقراه وقمت فجأة لمّا افتكرت ميعاد أوشكت أن أنساه كنت مستعجل وماشي كأني بـ اجري عدّيت ميدان ومطعم وكوبري ومستشفى وكمين عدّيت 200 شجرة حنين ولسّه وبعد شارعين إلا خمسة دوّرت مالقيتهاش حسّيت ساعتها بجزمتي من غير رباط وقميصي قل زرار وقلبي ريحته شياط وانا باطفيه يتقطع أرفيه وعيني بتمسح عيني من باقي العياط حتّة خيال وقعت منيّ على غفلة بترطّب الروح وتنشّف البقع وتقفل الباب على صباع الحزن وتسند القلب لمّا بيقع دلوقتي غابت وسابت شوارع مسدودة م الجنبين وانا باسأل: دخلت ازاي وانا باسأل: هاروح على فين (!)
مصطفى العقاد أرسل بريدا إلكترونيا 
