ما تتعلّقش بالخطه وكن صاحب الخطه
كتبت/وفاء المصري
لما بتحط لنفسك هدف او خطه طويله الاجل بتبقي مقتنع ان هو ده الي انت عايزه في حياتك و مستحيل تعمل حاجه غيره او تغيره.
و اوقات بتلاقي نفسك معروض عليك فرصه انك تعمل حاجه جديده و ملهاش دعوه بالخطه الاولي و نفسك تعملها جداً، بس الي موقفك هو انك مش عايز تخون الخطه الاولى و كمان انك خايف من التغيير.
الخطه الي عملتها لحياتك السنه الي فاتت مش لازم تكون نفس الخطه الي هتمشي عليها السنادي.
التغيير مطلوب و بينشط المخ و بيزود خبرات الحياة وبالتالي بيزود زكاء الشخص.
مش معني كده انك تغير رايك كل ٥ دقايق و تعمل حاجة جديدة ، بس معني كده انه مش عيب انك تغير حاجة انت كنت مقتنع بيها زمان و دلوقتي نفسك في حاجة تانية.
