لماذا ارتبطت القروض الربويه بالنساء؟ هل هن ضحايا ام جانيات؟
لماذا ارتبطت القروض الربويه بالنساء؟
هل هن ضحايا ام جانيات؟
الكاتب الصحفي
احمد المغربي
2024/10/26
لماذا ارتبطت القروض الربويه بالنساء؟
هل هن ضحايا ام جانيات؟
أولا حديثي ليس عن حاله بعينها او قريه بعينها فكل القري بها عشرات الحالات والاف الضحايا
مع الأسف لم أرى او اعلم عن زمان انتشرت فيه القروض الربويه مثل زماننا هذا
والملفت إن كل المقترضات نساء وليتها نساء فقط بل آنسات وليتها ظاهره فرديه في كل شارع او منطقه
ولكنها مع الأسف الشديد ممكن تلاقي الشارع كله من أهل القروض
بل تعدي الأمر ذلك حتى أصبحت قري لا أقول بالكامل لكن ممكن توصل لنسبة 70٪ منها مقترضات
وياريت قرض واحد لكن ممكن تلاقي الست واخده خمس او عشر قروض مابين مقترض وضامن
ونوصل للسؤال هل الست المقترضه جاني ام مجني عليها؟
فإن كانت جاني فمن دفعها؟
وإن كانت مجني عليها فمن الجاني؟
سؤال صعب والإجابه أصعب
والصعوبه
أولا. إن كانت تلك هي تصرفات الأم وهي المربيه والمثل فما حالنا مع الأجيال القادمه؟
وإن كانت الثانيه فمن جني علي مربية أولادنا ودفعها لان تكون رد سجون او هاربه او سبب مباشر في خراب بيوت وتشريد أسر واطفال؟
ولكي اجيب
فلا بد أن أؤكد اولا أن رأي خطأ يحتمل الصواب وراي حضراتكم صواب قد لايحتمل الخطأ
ولكن الشئ الملفت للنظر إن كل الأطراف الخاصه بمنظومة القرض الربوي خاسره سواء الست البسيطه صاحبة القرض (السمكه) أو الضامن (آلة التثبيت) او( الشبكه) وهي الست او الرجل اللي بيجمع البسطاء وعمل قروض علي أنفسهن والشبكه تاخد القرض وتدي صاحبة القرض (السمكه) ٥ آلاف جنيه عن كل ٥٠ الف جنيه
حضرتك هتسال طيب ايه اللي يخلي واحده( السمكه) تروح تجيب قرض علي نفسها وواحده ثانيه تاخده (الشبكه)؟
الاجابه لان الشبكه بتجيب الستات البسيطه تاخد منها البطاقه فقط وهيه تخلص كل شئ مع شركات توظيف الأموال اي إن كان اسم الشركه وتجيب الضامن( ألة التثبيت) والست تروح علي التوقيع فقط وذلك بعد أيهام الضحيه بأنها هتسدد عنها القسط كل شهر
وهنا لابد من إجابه كل الأطراف خاسره ماعدا شركات توظيف الأموال او (شركات خراب المجتمع) مع انها صاحب نصيب الأسد في في الخراب والدمار والربا
لان ببساطه همه مجموعة رجال أعمال رموا فلوس في السوق ولازم الفلوس تكسب ومع الأسف الدوله صرحت لهم بقيام شركات فأصبح الموضوع قانوني
وبناءا عليه أصبح لديهم شئون قانونيه ومديرين وموظفين ولم لا والشباب مش لاقي شغل وكل شاب او فتاه لقت زميلتها بعد مكانت لابسه جلابيه لبست بنطلون هاي رجل أو كارجو وبلوزه هاي وسط فالثانيه شدت الرحال وقالت وانا كمان
وهنا سؤال طيب بما اننا بنحبس المقترض والضامن والشبكه ايه عقاب شركات توظيف الأموال في الدائره السواد دي مع إن همه المصدر الرئيسي والمحرك وبدون فلوسهم كان كفى الله المؤمنين شر القتال وكنا عشنا عيشة أهلنا ناكل رجله وجلوين وجعضيض؟
مع الأسف ليس عليهم اي ضرر وفلوسهم بترجع وبقوة القانون علي لو كل البلد اتحبست
ولكن في النظام الدولي ان الدوله اللي عليها ديون لما بتعلن افلاسها بتسقط عنها الديون
وهنا الناس دي طالما حكم عليهم بالحبس وليس لهم أي دخل فهذا اعلان إفلاس فلماذا لاتسقط ديونهم ويكون جزء من عقاب على شركات توظيف الأموال (المدلله)
ياريت يتم إعادة النظر ومراجعة ملف من أخطر الملفات لانه ببساطه كله دمار لاسره ومجتمع
أصبح الرجل فيه ممكن يبقه نايم في بيته ووسط عياله وهمه غرقانين قروض
مع ان بعض الرجال مع الأسف هم أنفسهم شركاء متضامنين في تلك المصيبه ضد الزوجه لان الراجل عاوز يهرب من البيت في ظل ظروف كلها صعوبه وعاوز يرجع يلاقي الاكل وطلبات عياله مقضيه لبس ومدارس وخلافه
ومفكرش يسال نفسه الحاجه دي جت منين لكن يشوف ويسكت وياكل وخلاص قد يكون عجزا منه او ما باليد حيله لأن ظروف البلد كده وصعب انك تعيش بألفين ثلاثه او يوميه في مصنع الفين جنيه شهريا
مش معني كده أني بعفي الزوجه من الجرم والمسؤليه بالعكس هيه مدانه لأنها كان لازم تقف لجوزها وأهلها وتوضح الأمور انا دخلي من جوزي كذا وبشتغل بكذا ايه الحل؟
وهنا وصلنا لسؤال مهم جدا هل لو تم سجن الشبكه ولم تقم بالسداد يبقه كده الموضوع خلص؟
الاجابه مع الأسف لا سوف يتم سجن السناره وآلة التثبيت أيضا
سؤال آخر هل كون الشبكه غير موقعه علي إيصالات أو ليست القروض بأسمها يعفيها من عقوبة السجن او السداد؟
الاجابه طبعا لا لأنها هتحاكم استيلاء علي أموال (نصب) أموال عامه
مع ان للأسف كل البيوت نفس المشكله لاننا بعدنا عن ربنا وسبنا طريق ربنا
ولا أجد حل غير قول ربي
بسم الله الرحمن الرحيم
(ولو أن أهل القرى آمنوا واتقوا لفتحنا عليهم بركات من السماء والأرض ) صدق الله العظيم
يعني ممكن يجيني فلوس؟ طبعا وصحه وستر وراحة بال؟
طبعا
لكن مع الأسف احنا تهنا عن الطريق
او الطريق تااااه مننا
اسف للأطاله
اللهم ردنا إليك ردا جميلا
لماذا ارتبطت القروض الربويه بالنساء؟
هل هن ضحايا ام جانيات؟
تابعنا على جوجل نيوز
