كان نفســي
الأديب/ مجدى متولى إبراهيم
كان نفســي
طول عمري وأنا بدادي
بخبي حزني جوه قلبي
وابتســــــم لكل أحبابي
لجل ما شوف البسـمة
مرسومه على وش أصحابي
عمري ما تأخرت يــوم
ولا عاتبت اللوم باللوم
دايماً تلاقيني بســامح
وارمي همي مع زماني
أصلي بخاف الوحـــــدة
وبخاف أكون وحداني
أنا اللي العمر سرقني
وأخــد مني كل غالي
لما قلت .. أعاتب نفسي
لاقيتني واحد تاني
تغيرت كل ملامحي
وملأ الشيب رأسي ووجداني
صرخت من جـوايا
قـــولت …. آه …. يا نـي
ايه اللي فاضل ….. مني
وايه اللي جنيته من التاني
إلا صـوت نفسي
أصـــــــل أنا كان نفسي
ألاقى جنبي أصحابـــــي
ملقتش غير نفســــــــي
ملقتش غير نفســــــــي
من ديوان “رسائلي إليك”
‘’✍ الأديب/ مجدى متولى إبراهيم
