أشعار وقصائد

قلت أيوه

بقلمي الشاعر محمد عبد العزيز رمضان
قلت أيوة قلت لأ
مهما قلت مصدقك
أصل أنت غالي عندي
باعترف أنا بعشقك
والليالي مهما عدت
حبي ليك راح يسبقك
نفسي أخبيك جوا قلبي
عن عيونهم واسرقك
قلت أيوة قلت لأ
مهما قلت مش هخون
لو بعدت تاني عني
صعب أبقى أو أكون
سهل تنسى كل حاجة
واللي بِنا عليك يهون
آه وآه قاسي وأناني
كنت فاكرك راح تصون
عهد حبي والأماني
لا خلاص طلعت ظنون
قلت أيوة قلت لأ
أيوة صعب الأختيار
تهت منك تهت مني
لما طال الإنتظار
كنت محتاجك تقرب
بس بعدك كان قرار
قلبي قاللي لأ كفايه
قالها أيوه بانكسار
قلت أيوة قلت لأ
لا مافيش ابداً رجوع
كنت فاكر إني هقبل
أبقى ليك رغم الدموع
رغم ظلمك رغم كدبك
مش راح أقبل بالخضوع
ألف حاجة بِنا ماتت
وانطفت كل الشموع
قلت أيوة قلت لأ
مش هقول ابداً وداع
قلت إني غالي عندك
ليه رمتني في الضياع
لا يا قلبي هو خانك
دوقك قسوة وخداع
مش هآمن مره تانيه
للي سبني للي باع

مقالات ذات صلة

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات .. متابعة

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار