قبل حلول شهر رمضان المعظم
متابعة اشرف عيد
قبل حلول شهر رمضان المعظم
تم استيراد الفراخ البرازيلي المجمدة بدأت تنزل السوق ودول نوعين برازيلي
الفرخة اللي غلافها أزرق وزنها 1200 جرام وسعرها 78 جنيه، الفرخة اللي غلافها أبيض وزنها 1300 جرام وسعرها 90 جنيه.
لو حسبت التكلفة بتاعت المستورد مع إنها برده بتتعلف وبالدولار وفيه تكلفة شحن وضرايب وعمالة و و و و هتلاقي إنك في مصر بتتحاسب على الفراخ المحلية بضعف المستوردة ماهي المستوردة بتاكل علف برده والله سبحان الله وليها عمالة وضرايب وشحن وأرضيات وجمارك وغيره.
اشتروها ومتقولوش وحشة كلنا بناكلها.. السوق الخليجي 80%منه فراخ مجمدة من كل الدول فرنسا البرازيل تركيا أشهرهم غير المنتج المحلي المفرز برضه نسبه 2%دجاج فريش دبــ ـح اليوم صالح لمدة 3 أيام من تاريخ الدبــ ـح يتم إعد،امـه في حالة لم يستهلك وكذالك اللحوم المجمدة.
البي بيحصل دا جشع وملوش حل تاني ولا تفسير تاني.. كانوا بيتحججوا إن مفيش إفراجات جمركية واهي الإفراجات شغالة زي الفل مبتوقفش من نهاية السنة اللي فاتت.. اتحججوا بارتفاع سعر العلف واهو السعر بينزل عالمياً لكن المافيا هنا شغالة رفع في رفع في رفع.. اتحججوا بدورة التربية والإنتاج واهي خلصت.. كل حججهم واهية وكاذبة.. كل واحد منهم بيطلع يتكلم يقولك السوق محتاج شهر شهرين تلاتة علشان السعر ينخفض بعد انخفاض المش عارف مين وبعد الإفراج عن مش عارف إيه وبعد إنتاج اللي مش عارف إسمه إيه.. لكن سبحان الله في الزيادات بيزيد اوتوماتيك كل ساعة ومبيحتاجش لا يوم ولا يومين ولا تلاتة
أنا من بداية الأزمة السنة اللي فاتت بدخل كل يومين تلاتة أقولكم شجعوا المنتج المحلي وابعدوا عن المستورد.. النهاردة جاي أقولك اشتري الفراخ المستوردة وابعد عن المحلية.. آه ابعد ووقف حالهم وربيهم.. ابعد واقف بقا مع نفسك كدا وقول كفاية سرقة ونهب في جيوبنا وخد موقف من اللي بيمصوا دمــ ــك.. الناس دي لا تعرف دين ولا ضمير والله العظيم.. استغنى عن منتجاتهم شوية وربيهم إنت بدل ماهم بيربوا فيك بقالهم سنة
