فين الحنيه
بقلم الشاعر محمد غنيم
أنا قلبي بيطرح حنيه
واللي في إيدي مش ليا
زرعت الخير ف أرض بور
ملقتش منهم غير الأسية
الزمن ده طبعه غريب
أصعب جرح جرح القريب
اللي منك راح يذلك
مش محتاج لجرحي طبيب
نفسي ارجع اعيش من تاني
ده الأيام الحلوة وحشاني
كل ثانية فيها فرحة
بحس معاها براحة بالي
مين يعوض عمري اللي راح
ويقول لقلبي خلاص سماح
وارجع تاني ليك يازماني
بضحكه حلوه بدون جراح
تابعنا على جوجل نيوز
