عيد الأم
بتقولولي عيد لأم
أه ياعرب حالكم يغم
ست الحبايب عيد لأم
كل حضن وأنت
خايف لك يضم
وكل فرحة من عنيها
عيد يعم
وكل ثانية تمر بيها
بين إيديها عيد ياعم
هي بسمة وقت فرحك
ووقت ضيقك كون يلم
لمسه منها فوق جبينك
ويا نظرة من عينيها
تمحي عنك كل هم
دي اللي شالت
واللي حضنت
واللي غذت
لما جعت قولت مم
وتضحك الأم الجميلة
ابني فاهم معنى أم
ويكبر الطفل الصغير
وهو فاكر الجلي أهم
لأ ياعم بكرة
لو ما كانش بيها
يبقى غم
بكره عمره مايحلى
إلا بيها وكل لقمه
من غيرها سم
وكل لقمة من أيديها
تنزل ترم
هى كانت داعية فيها
إن بالصحة تعم
وكل لحظة تمر بيها
وانت بايس
راسها وإيديها
تبقى أجمل عيد لأم
بقلم الشاعر فهمى محمود حجازى
