أشعار وقصائد

عيدك هو عيدي

(عيدك هو عيديعيدك هو عيدي)
بقلمي جمال القاضي

أنا لسه بحبك واهواك
ولو فات م العمر كمان عمر
أبدا عمري ماهنساك
أنا لسه بحبك وبقولك
عمهما أغيب عنك أو اقرب
فاكرك دايما والله
فاكر صوت من أصواتك
فاكر حزنك وآهاتك
ودموع رقراقة بضحكاتك
فاكرك لما الصبح بتدعيلي
أنجح واكبر واحقق
مرسوم لاحلامي وطموحاتي
ولما الحلم يكون واقع
ولما بدعوة اتفوق بنجاحي
صوت زغرايتك م الفرحه
كأنها قوة جديدة تقويني
كآنها دافع ورا دافع لطريقي
ولحلم جديد بتوديني
ولبحر العلم توعيني
ولفوق شط نجاح بترسيني
أنا فاكرك دايما والله
فاكرك لما الصبح تصحيني
وبغباوة ردي أزعق وأقولك
ياأمي ليه من نومي تصحيني
بس أقولك أسف سامحيني
أنا كنت صغير والله
ولاعارف أيه كان يجرح بكلامي
بس منايا وأحلامي
معاكي أعيد المشهد من تاني
لو لحظة وأشوفك قدامي
واجري عليك والاقيكي
بنفس الضحكه المحفوظة بأذهاني
جايه عليا وبين ايدك
وبدفء أحضانك وحنانك
وبقوة لقلبك وذراعك ضماني
وانزل من تحت لأقدامك
أبوسها وأكمل برضايا
بوسها وغيرها ع ايدك وجبينك
وأقولك حببتي ياأمي ف يوم عيدك
تكمل فرحة قلبي برضاك
ولو فاتت مرة وزعلتك
وغلوتك وحياتك عندي تسامحيني

مقالات ذات صلة

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات .. متابعة

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي