تحقيقات

حوار مع الرسامة رشا حافظ فى جريدة مصر اليوم

حوار مع الرسامة رشا حافظ فى جريدة مصر اليومحوار مع الرسامة رشا حافظ فى جريدة مصر اليوم

حوار : نهى شاهين

لكل شيء بداية والوصول الى النجاح أول الطريق لتحقيق حلمك، فعشق وحب الفن هو بوابه النجاح لاي شخص، كثير من الاشخاص نجحوا ووصلوا للعالمية لمجرد الايمان والاتقان بحلمهم دون النظر الى الصعوبات التي تمارس ضدهم، وأحيانا أكثر شىء لا نتوقعه هو ما يصبح هدفنا، فإذا تركته أصبح بعيدآ عنك ، لكن إذا بدأت في السعي اقترب منك، وهذا ما حدث مع الرسامة رشا حافظ، التي واجهت العديد من الصعوبات فى بداية مشوارها الفني.

حديثنا عن نفسك؟

رشا محمد علي حافظ، من مدينة المنصورة، محافظة الدقهلية، حاصلة على بكالوريوس علوم بيولوجي ، ودبلومة في الكيمياء الحيوية، أعمل أخصائية تحاليل طبية.

متى بدأت الرسم؟

ظهرت موهبتي منذ الصغر، بدأت الرسم فى عمر 6 سنوات.

ما هى أول رسوماتك؟

رسم العرائس منذ الصغر ، كانت أولى رسوماتي في المدرسة رسمت حرب السادس من أكتوبر ، ومناظر طبيعية.

هل واجهت صعوبات فى بداية مشوارك الفني؟

واجهت العديد من الصعوبات فى بداية مشواري الفني، أولها دراستي في المدرسة، والجامعة ، لانه كنت علمي ، وأيضا دخلت كلية علمية، فدراستي كانت صعبة، وتقيلة ،فكنت مركزة ومتفرغة للدراسة، أكثر والوقت كان ضيق جدا ، ولما اتخرجت اشتغلت في مجال شركات الأدوية، واترقيت، وكنت supervisor فالحياة العملية اخدتني من موهبتي، نظرا لضيق الوقت والمجهود الذهني، والبدني والمهام اللي كانت مطلوبة مني في شغلي، طبعا كنت زعلانة جدا لاني مش عارفة أركز في حلمي في الرسم فتركت مجال الأدوية ،وبدأت اركز في موهبتي أكثر ،ومازلت بقابل تحديات علشان أوصل لحلمي في الرسم، لان الموضوع محتاج دعاية جامدة، علشان توصل موهبتي للناس، ومحتاج صبر.

من قدم لك يد المساعدة فى بداية دخولك عالم الرسم ؟

والدي ، ووالدتي دعموني جدا في دراستي، لانهم للاسف مقتنعين ان الرسم، طريقه صعب في مصر، ومستقبله ضعيف، داخل مصر وكانوا معترضين جدا ، إني أسيب مجال شغلي في الأدوية، واتجه للرسم بس، انا حبيت أثبتلهم عكس ده واعتمدت علي ربنا، وعلي نفسي، بشكل كامل بدون أي مساعدة من أي شخص، في مشواري في الرسم وبدأوا يقتنعوا في الاخر برأيي.

هل تطورت موهبتك عن طريق الكورسات ام تعليم ذاتي؟

6-موهبتي اتطورت الحمد لله بالتعليم الذاتي ، بحثت علي قد ما أقدر عن معلومات داخل كتب، وعن أساسات الرسم الأكاديمي ،ودربت نفسي بنفسي ، وأيضا رسمت كتير واهتميت انه يكون عندي تغذية بصرية ، وابدأ أركز في أماكن الظل والنور، علشان الرسم يطلع واقعي أكثر، وأهتم بزوايا رسم البورتريه الصعبة، وتابعت رسامين عالميين مشهورين، واهتميت أعرف ما هي أنواع مدارس الرسم، وإيه هي خامات الرسم المختلفة بالتفصيل.

كم تستغرق من الوقت لرسم لوحه فنية؟

وقت كل لوحة بيختلف علي حسب الخامة، والتكنيك اللي برسم بيه، وحجم اللوحة ، فيه لوح ممكن اخلصها في 3 أو 4 ساعات، وفيه لوح أطول من كدا.

الرسم أنواع ماذا أنتِ ترسمين؟

بحب المدرسة الواقعية في الرسم، وكمان برسم كل حاجة الحمد لله، سواء بورتيريه ،أو طبيعة صامتة، أو طبيعة حية، أو رسم للحيوانات، أو الزهور، لاني مقتنعة أن الرسام لازم يرسم كل حاجة، ويجرب كل الخامات، بس طبعا البورتريه أو رسم الوجوة أكثر حاجة بحبها، لأنه برسم بخامة (الرصاص، والفحم الاسود، والفحم الابيض، والألوان الخشب، والباستل ، والقلم الجاف، وألوان الزيت، والألوان المائية).

أيهما تفضل الرسم ليلآ أم نهارآ؟

ليس هناك وقت محدد للرسم سواء ليلآ أو نهارآ، المهم أرسم في جو مريح، وأشغل موسيقي، ويكون المود بتاعي كويس.

ما هو مثلك الأعلى من الرسامين العالميّين؟

10-مثلي الاعلي من الرسامين العالمين john Singer Sargent
Rembrandt
Leonardo da Vinci
جون سنجر سيرجنت
ريمبرانت
ليوناردو دافينشي.

هل لديك مواهب أخرى غير الرسم؟

كنت في المدرسة بحب القاء الشعر، وكنت في فريق المسرح في الجامعة بس حاليا مركزة في الرسم وطموحي في الرسم فقط.

هل شاركت في مسابقات من قبل؟

لم أشارك فى مسابقات من قبل.

البعض يرى الرسم ما هو ألا شخابيط من وجهة نظرك هل الرسم إحساس أم هو مجرد شخبطة من الرسام؟

الرسم إحساس بينقل الاحساس بخطوط اليد، ويوصلها عن طريق العين للمشاهد، الرسم عمره ما كان شخبطة، كل خط في اللوحة ليه معني ودلالة، وبينقل مشاعر واحاسيس، بيعبر بيها الرسام عنه وعن لوحته للناس، وكمان اللوحة ممكن تترسم في صورة قصة معبرة، والا مكنش فيه لوح عالمية بتتباع بالملايين.

هل فكرتي ببيع لوحاتك كنوع من الترويج وكسب المال ؟

الحقيقة بفكر جديا في الموضوع دا، ارسم لوحات ليها ستايل خاص بيا وبتكنيك معين، وابيعها باذن الله.

هل قمتِ بعمل كورسات لتعليم الرسم للمواهب المبتدئة؟

أنا بدي كورسات تعليم رسم للاطفال والكبار في المنصورة، بقالي 6 سنين تقريبا، بس حاليا مركزة بكورسات الرسم اون لاين فقط ، علشان أقدر اوفق ما بين رسمي، أو تواجدي علي السوشيال ميديا ، وما بين كورسات تعليم الرسم.

لو لم تكن رساما ماذا تكونين؟

كنت نفسي أكون مطربة، ويكون صوتي حلو زي المطربين الكبار، لاني بحب الاغاني، والموسيقي جدا، دا علي مستوي المجال الفني، أما لو علي المستوي العلمي كان نفسي أطلع طبيبة بشرية.

كلمة أخيرة لكل الموهوبين؟

لازم تؤمنوا بموهبتكم، وتثقوا في نفسكوا جدآ، ويكون عندكم إصرار علي النجاح، والوصول لهدفكم ، لأن المنافسة كبيرة ، وفيه ناس كتيرة بتشتغل علي نفسها، وبتحارب علشان تحقق اللي نفسها فيه باقل الامكانيات، وكمان متخلوش حد يحبطكم بكلام سلبي، خليك محاط دايما باشخاص، ايجابيين علشان تفضل دايما محتفظ بشغفك، وأيضا بشكر والدي ، ووالدتي، كان ليهم الفضل عليه، علموني وكانوا السبب اني أكون حاصلة علي شهادة علمية عالية، لان الشهادة دي لازم تكون موجودة بجانب الموهبة.

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات .. متابعة

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي