حكاية شاب
أنا الشاب اللي عاشها
طول بعرض
وكنت ماشي بقوتي
وفاكر ههد الأرض
رماني زماني على
صحبة ماتعرف جد
وخدني شيطاني
ومشاني
ف طريق ا تمد
لا عرفت أرجع تاني
ياصحبة الكيف
طريقكم والله ضيعيني
وجبل العزيمة اتهد
وضهري اللي
دلوقتي محتاج شد
ودفعت أجمل سنيني
وكل أملي انهد
في سجن مقفول ياعيني
ودمعي سال ع الخد
ياما نفسي ترجع سنيني
ولايبقى زيي حد
دا أنا كنت أسد عريني
وشاب زي الورد
ضيعت عمري وسنيني
ومات لي أغلى أب
من حزنه ع اللي جرالي
إنت اللي فاضل يارب
وتوبه ماارجعش تاني
لصاحبي اللي مش
ولابد
وخلى دمعي يوماتي
بيجري فوق الخد
وافرش طريقي أماني
وحياة ماليها الورد
ياللي انت غاوي السعادة
ربك ما زيوش حد
إرجعله يالا ياغالي
عنده السعادة بجد
وإوعاك تصاحب أناني
وصاحب اللي بجد
وقت الشدايد يا غالي
جمايله ماتنعد
حكاية شاب
بقلم الشاعر
فهمى محمود حجازى
