أشعار وقصائد

حروف زجل بأناملى امير العاشقين

حروف زجل بأناملى

امير العاشقين

مقالات ذات صلة

د / بهجت الشريف  

حروف زجل بأناملى

 

امير العاشقين

فى يوم أغبر

 عزمونى على بارتى

وخدونى 

وراحوا يعرفونى

دى امى وده ابويا واخويا

وكمان الفرند بتوعي

ودى أنط وطنط وقعدوا يكلموني

وليقتهم بيتضحكوا وبيتمسخروا

باللى جابونى

حريم ورجال بينهنهوا كيف النسوان

يمين وشمال

ويقولوا صعايده يابوي

ويعطشوا الجيم والقاف

ومن ديش العدو ولا من دشنا

بصتلهم والغضب جوايا بيغلى

وقلت يا واد خليك حليم

خليك طويل البال

وعرفهم بالادب

انك انت اصل الادب

فى كل الاحوال

ياما تقت على الراس طبول

ضحكتلهم ضحكه لئيمه 

فهموها اولاد ال…..

اللئيمة

وقلتلهم بعد نفس طويل

ايوه صعيدى واهلى صعايده

يابوى

ويا عم ويا خال

بس انتم تعرفوا يعنى ايه صعايدة

فينك يا جمال

تقولهم الصعايدة يعنى رجال

مروءة وشهامة

عزة ومهابة

ايوة مالصعيد مصنع الرجال

مش اشباه الرجال

فبقه لبانه وفاديه انسيال

 وفودانه حلق

وناقص يلبس طرحة وخلخال

الصعايدة يعنى

اسود فعرينها تهابهم الجبال

وفارضهم وجبالهم

رجال فى كل الاحوال

العالم كله عارفهم وفاهممهم

شرفهم غالى وعرضهم غالى

واصلهم عالى

ويفدوا عرضهم وبلادهم بكل غال

عيلهم راجل وللشيله حمال

وصبرهم صبر الجمال

غضبهم حامى

ودمهم حامي

وملهمش فى شغل الاندال

ولا هز الوسط والاكتاف 

يمين وشمال

رجال 

تعرفوا يعنى رجال

يعنى حامى وحامى

نسل الملوك يا غالى

حتى وان جار عليه الزمن شيال

مهم اقلكم واعدلكم

الصعايدة يتقال فيهم

الف موال وموال

وهى العملية مش اقاول

ده فعل 

والصعيد ياللى بتضحكوا وتتمسخروا

كلام افعال

تاجه كرامته

واسالوا عليه الخال

ولا العم متقال

اسالوا عيه رمل سينا 

فى عز الهزيمه

ولعها ومخلاها تنام

الا وهو جايب النصر فيمينه

وغازل لبلده طرحه وشال

عرضك يا بلدى امانه

ولو الدنيا قلابه

انا لهمومك شيال

وانت يامه لا تبكى على اخويا 

ولا ابن عمى

ولابن الجيران والخال

حقهم فرقبتى 

 وجتلك اديا متحنية بدم الاندال

وانت يا بهية

جبتلك من عرقى

حلق وكردان 

وكمان خلخال

وحق ربى

على اشيلك انت وبلدى وولدى

ولا يوم يبقى فيه محال

ايوة يا اسيادنا

انا الصعيدى شرف وكرامة

ومع لقمة العيش انا رحال

ولو قعدت اوصفلكم فى الصعايدة

هاتولى الربابة وفحبهم

هغنيلكم الف موال وموال

فى الصعايدة والصعيد 

مصنع الابطال

مصنع الرجال

ويفضل الصعيد والصعايدة

لغز محير الاندال

ولا يفهم غير الرجال

وهيفضلوا الصعايدة ليوم الدين

فى الرجولة مضرب الامثال

حروف زجل بأناملى

امير العاشقين

د / بهجت الشريف 

حروف زجل بأناملى

امير العاشقين 

حروف زجل بأناملى  امير العاشقين

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
Translate »
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي