حبيبي المجنون
بقلم/ أمير فايز علي
انت متنفعش حبيب
لا يقين بالله ساكن قلبك
ولا قبطي
وبك وشم صليب
أنا عايز حب
يصون قلبي
وحبيبة أميرة
على حبايبي
مش واحدة أنام
وأحلم بيها
وتغيب
ومتسالش فِي حبي
عايز اللي تحسسني
بذاتي
عايز اللي تشتت نبضاتي
عايز الإنسانة المجنونة
تداعبني ما بين
ماضي وآتي
عارفة إن لينا
كتير عزال
والحب إحساس
شيء رباني
لا بيخضع لجمال
ولا مال
حبيبتك وبألف دليل
وسامرتك ف نهار
وف ليل
وحلمنا بحلمنا يتحقق
وحلمنا نسابق الأساطير
أنا حاسس ليا
ف حبي نصيب
وحبيبي الغايب هيعود
والقلب هيسعد بطبيب
وساعتها هقدم أعذاري
عن حرقة قلبي
وعن ناري
على جملة
كانت من ورا قلبي
انت متنفعش حبيب
