بَكَيْت
بقلم الشاعر/ فهمي محمود حجازي
بَكَيْت
أيوه بَكيت
ويا ريتْ ما جيت
ولا اتمنّيت
ولا يومْ هَوِيت
كان قلبي شايلْ
ويا ريتْ وَفّيت
وخَدتْ منِّي
أَحلامْ كَتيرَة
فيها بَنَيْت
أَحلامْ بتِجْمَع
ما بينْ قلوبنا
وانتَ نَهَيْت
كُلّ اللي بِنينا
وما اشْتَرَيْتْ حُبِّي ليك
اللِّي عَشانه بَعْت عُمْري
وعَليكْ بَقِيت
وانتَ بَعْتْ حُضْن دافِي
كنتْ يامَا فيه اتدَرّيت
مِن قَساوَة كُلّ قاسِي
لو نِسيت
آه نِسيت
إنِّي بَعْتْ كُلّ حاجَة
وَلَكْ شَرِيت.
وإن بَكيت
مش عشانَك لَا
عشانْ قلبي اللِّي صَانَك
وانتْ بالغَدْر ابْتَدَيْت
