بعد الفراق والغيبة
همسات بقلم كريمة السيد
بعد الفراق والغيبة لو قررت ترجع
هتلاقي قلب بطل يحب وروح
غضبانة ودمعة بعيون سهرانة
وتنهيدة عنيدة بتجرح وتوجع
لما ترجع
هتلاقي جدراني باردة ونظرة
حزينة شاردة ولهمس نبضي مرة
تانية مستحيل هتسمع
لما ترجع
هتلاقي كل شيء أتغير القمر
بطل سهر والنجوم حالها يحير
وشمس الأماني لاهتشرق ولا
هتسطع
لما ترجع
هتلاقي صوت الأنين فى حضن
الليل صداه بيردد مليون آااااااااه
وبيسألك كان ليه تغادر وتفارق
لا تتكلم ولا تسلم ولا حتى لقلبي
بنظرة توَدع
لما ترجع
هتلاقي ديار غير الديار محاطة
بعديد من الأسوار وحُراس بسيوف
من نار لقربك هترفض وبكل قوة
أكيد هتمنع
لذلك حال رجوعك
وفر دموعك وأنسى مكاني وزماني
ودور على حد تاني يعيش الوهم
ويصدق أن آلي مات مسيره يرجع
وفى الحياة مرة تانية يتعشم
ويطمع
……………………..
همسات بقلم كريمة السيد
