بعد إيه
بقلم خالد كرومل ثابت
عامي
بعد إيه جاية تقولي إنت حبيبي
ده الحب اللي بينا لسه ما انتهاش
ولا جاية تشوفي دمع عيني
الدمع فاكر حب قلبي منسيهاش
دا أنا كل كلمة كانت حروفها من قلبي
حرف يشبع وحرف يروي قلب مارتواش
كنت وردة عايشة في ضل قلبي
قلبي حب ريحة زهرك ما استغناش
هان عليكي وبعتي قلبي الغالي
قلبي اللي اشتراكي بعتيه ببلاش
فاكره كلام الحب وسهر الليالي
ضاع الحب وضاعت الليالي وانت مافاكراش
كنت أسهر أسال نجم الليل العالي
كنت أحلم نجمي ينور قلب في الضلمه عاش
بعد إيه جاية تقولي إنت غالي
فاكرة الغالي وتقولي لسه الغالي مانتهاش
خالد كرومل ثابت
تابعنا على جوجل نيوز
