انجاز جديد على يد ابطالنا في مجلس الشباب المصري “
عضو التحالف الوطني للعمل الاهلي التنموي” وفرحة جديدة بيصنعها ابطال التحالف في أعلى قرية الخياطة بمحافظة دمياط بمشاركتهم في قوافل ستر وعافية واحلى دعوة تسمعها من اهالينا وهما بيستلموا من ابطالنا هدوم جديدة تساعدهم على برد الشتاء وتكون زي عيدية السنة الجديدة.
احساس عظيم ويدعو للفخر لما تسمع كلمات شكر وإشادة دعوات حلوة من الدكتورة منال حافظ محافظ دمياط الست الجدعة اللي لما شافت مئات السيدات واقفين بالطوابير على باب معرض مجلس الشباب المصري ومستنيين دورهم سألت هل عندكم القدرة على كل العدد ده وكان الرد الواضح من ابطالنا أنه بفضل ربنا محدش النهاردة هيروح زعلان والكل هيروح وربنا مراضيه وقد كان ( جواكت وترنجات وملابس اطفال وملابس حريمي وغيره وغيره ) وكلها جديدة وعلى أعلى مستوى من الجودة المعدة للتصدير كانت هدية من ربنا لأهالينا الطيبين في الخياطة دون رسوم .
يوم عظيم ساهم فيه ابطال التحالف كل واحد على قدر المسؤولية اللي عمل قافلة طبية وكشف وعلاج بالمجان واللي قدم كراسي متحركة ودعم لذوي الاعاقة واللي ساهم بمنتجات ومساعدات غذائية واللي ساهم بملابس واللي ساهم بحفلة حلوة عشان يفرح اطفالنا وكله عشان تكون زيارتنا. ستر وعافية لأهالينا في دمياط.
شكراً للجدع محمود السقا اللي طول عمره قد المسئولية وقائد كتيبتنا النهاردة واللي بيثبت أن ابطال المجلس في كل المحافظات قادرين على النجاح عشان النجاح وليد الصدفة … شكراً للجدعة اسلام البركان بنت الدقهلية والمقيمة في الغربية واللي في عز المطر كانت أول واحدة موجودة عشان تنظم معرض الملابس … شكراً ربيع اللي دائماً وقت ما نحتاجه في أي لحظة هتلاقيه سبقك واللي يستحق يكون علامة من علامات المكان … وطبعاً كل الشكر لباقي فريق المجلس من ابطال الكواليس اللي ساعدوا في تجهيز اليوم واللي ممكن متشوفوهمش في الصور لكن ربنا عارفهم وعارف تعبهم ومجهودهم وقد ايه نسأل الله أنه يجازيهم كل خير على تعبهم ده .
#مجلس_الشباب_المصري
#التحالف_الوطني_للعمل_الاهلي_التنموي
#ستر_وعافية
#احنا_المجتمع_المدني
#مجلس_الشباب_المصري
#التحالف_الوطني_للعمل_الاهلي_التنموي
#ستر_وعافية
#احنا_المجتمع_المدني
