اخبار مصر

الوعي الذاتي

الوعي الذاتيالوعي الذاتي

بقلم :وسام شداد
استشاري اسري وتربوي ولا يف كوتش

مقالات ذات صلة

تعالوا أحكيلكم بعمل ايه لما تحصلي مشكله او احس بمشاعر سلبيه تجاه نفسي أو الاخرين أول حاجه بعملها اني بتقبل مشاعري لان(كل المشاعر حقيقة و لا تناقش) بس بأجل التفيكر فيها لاني عارفه إن اي حكم يتخلله مشاعر بيكون غير متوازن

بس بعمل شوية حاجات الاول قبل ما أفكر في الحل:-

بدخل علي ركن السلام الخاص بيا وبعمل تمارين تنفس
بفرغ بالكتابه مشاعري واحتياجي كان ايه في الموقف دا ايه الخسائر اللي خسرتها وايه العوض اللي ربنا رزقني بيه لما اتحطيت في مواقف مشابهه وقررت اكظم غيظي وأتعامل بأحسان ولا ارد الاساءه عن قوة مش عن ضعف (العفو عند المقدرة) خالصة لله.
📿بمسك سبحتي واذكر الله وبردد
ان مع العسر يسرا.
اليس الله بكاف عبده.
لبيك لا عيش إلا عيّش الآخرة
الخـير دائما يكمن في ثنايا الشـر.
ليس دوما يبتلي ليعذب ولكن قد يبتلي ليصطفي ويهذب.
لاحول ولاقوة الا بالله وكثرة والصلاة علي النبي.
ولو مقدرتش لسه أتخلص من المشاعر السلبيه
ممكن أستعين بحد يتوفر فيه شرطين ( امين وحكيم) ولا يتبع هواه وأستشيره في الأمر
✔️واخيراً لا أبرء نفسي وابحث عن الحكمه مما حدث ليا وياتري ربنا عايزني أتعلم منه ايه ،واخيراً ايه الثوابت والمعايير والمرجعية اللي تخليني اعرف هل حكمي علي الأمر سليم ام مشوه بس الجميل في الأمر اني تعلمت الا انشغل بالتفكير في من اذاني وهذا من فضل ربي

{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}

انت كمان دلوقتي ممكن تعمل حاجه من اتنين
يا هتبدأ تدور في نيتي وتصدر عليا الأحكام اللي غالبا تمثل افكارك انت،يا هتفكر في الحكمة من ظهور هذا البوست أمامك الان وايه الرساله اللي ربنا بإعتهالك من خلالي وفي الحالتين دا قرارك

لو استفدت حاجه من البوست، ياريت تقولنا ايه الرسايل اللي بتقولها لنفسك في حالات الحزن والابتلاء لعل غيرك ينتفع بها🤍

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي