العلاقات السامة و المؤذية

– هى علاقة بيغيب فيها الدعم و تخلو من الاحترام و بيشتد فيها التنافس و الصراعات لدرجة ان الشريك او الطرف بيحاول فيها فرض سيطرته على الطرف الآخر .

العلاقة المؤذية؟

– العلاقة المؤذية هي اللي فيها سياق الكلمات بيتضمن تنمر و ايذاء نفسي، و ممكن توصل للإيذاء الجسدي والعنف .

العلاقات الغير توافقية؟

– العلاقة الغير توافقية هى حالة وجدانية ، تشير لعدم تقبل العلاقة الزوجية أو العاطفية ، و هى نتيجة للتفاعلات المتبادلة بين الزوجين أو الشريكين في جوانب كتيرة زى : عدم التعبير عن المشاعر للطرف الآخر ، وعدم اظهار الاحترام له أو لأسرته ، و التقليل من الثقة فيه ، وإظهار عدم الرغبة في استمرار العلاقة معه .

– غير بقي الاختلاف في القيم والعادات بينهم و الاختلاف حوالين أساليب تربية و تنشئة الأطفال ، و المصروفات وطريقة الإنفاق المادى للأسرة ، وممكن كمان عدم الشعور بالإشباع الجنسي في العلاقة .

العلاقة المُرهقه ؟

– العلاقة المُرهقه هي اللي بيكون واحد فيها معتمد بشكل تام وأساسي على التانى ، محتاجه أغلب الوقت ، ما بيتحملش مسؤولية أي حاجة اغلب اوقات بيكون سلبي …. جبان… و قليل الحيلة ، وعلى استعداد دائم لدفع أي تمن مقابل رضا شريكه .