العقل فين
ليه نبقى عارفين الحقيقه
ونعمل مش شايفين
ويبقى معروف الحرامي
ويلبسها ناس تانيين
وليه الخداع على بعض
وبالإسم مش فاهمين
والله عيب المكر
وخراب في ذات البين
يبقى الأعادي على حق
مادمنا كده ساكتين
جرحوا الشاهين الحر
و سعدوا غراب البين
لبس الديابة الدر
وبرك الجمل في الطين
حتى الشباب الحر
بيموتوا في فلسطين
والجرو ابن الجرو
بنذكره بحطين
يادم عيب اتلم واسكن
بقى الشرايين
أمتى العرب يتلم
ويرجع صلاح الدين
بقلم الشاعر فهمى محمود حجازي
