( الطير المهاجر ) كلمات هانى فَتُّوح ولد فى عمر الزهور العود ........ مفرود و العضل.... مشدود ضحك عليه الشيطان وغواه بكم وعود فتح له طاقة نور وطريق كله ورود خلاه يهيج و يثور ويلغي أى قيود أصل الولد معزور عايش كما الموؤد قاعد بقاله شهور حاضر ومش موجود لا شغلة ولا مشغلة وطريقه بقى مسدود مش لاقي لقمة ياكلها ولا حتى عيش مبلول حلف الولد ليهاجر و الحلم كان منشود ركب الولد مركبة إلي يروح ما يعود هاجر بدون تأشيرة ولا حتى أى بنود مع ناس عديمة القيمة مع ناس كلامها زور وسابوه في ليلة يتيمة لا شاهد ولا مشهود و رموه وسط البحور يقابل..... الموعود صرخ الولد مذعور مش لاقي أى ردود الليل عليه بيطول و الخوف ملهوش حدود طلع النهار لقيوه على الشط صبح مفقود طير مهاجر وصادوه وكأنه كان مرصود مع إنه كان مستور فى بيت له حيطان و حدود يا قلبي يا....... مقهور على عمر ضاع مهدور وشباب في عمر الزهور راحت بدون ما تعود وشباب في عمر الزهور راحت بدون ما تعود
