مقالات

الطلاق أصبح قنبلة موقوتة بتهدد بيوتنا

الطلاق أصبح قنبلة موقوتة بتهدد بيوتناالطلاق أصبح قنبلة موقوتة بتهدد بيوتنا

كتبت/ وفاء المصري
الطلاق” كلمة كانت تقيلة على لسان الناس ، هي كلمة بتُطلق رصاصة الرحمة على أحلامٍ وردية، و بتُعلن نهاية قصة حبٍّ جميلة.
زمان، كان للطلاق رهبةٌ ، كان بعبع بيخوف الكل ، كان لما حد يسمع ان فيه طلاق العيلة كلها كانت تتكاتف عشان تصلح بين الزوجين الكل بيسعى للإصلاح، و تلاقيهم بيقولوا “حرام تهدوا بيتكوا عشان ولادكوا”.

أما اليوم ، تحول الطلاق إلى ظاهرةٍ مُخيفة فعليا ، أرقامٌ مرعبة، بيوتٌ مهدودة ، أطفالٌ ضايعين ، ونساءٌ مُحطمات.

و الحقيقة المرة ان كتير من حالات الطلاق اللي بتحصل الازواج بيكونوا مش عايزين الانفصال و مش عايزين يطلقوا ، و لكنهم غرقانين في طاقةٍ سلبية عمالة تُفجر خلافاتهم.
الزوجة حاسة بالظلم، و انها محطمة ، وتُجبر على الخيانة أحيانًا بحثًا عن الحنان لاشباع احتياجتها.
الأولاد بيتعلموا أسوأ الصفات من باباهم و ماماتهم ، ويبيبقوا ضحايا صراعاتٍ ملهمش ذنب لهم فيها .
الراجل بيُدمر بيتًه اللي بناه في سنواتٍ طويلة، وفي النهاية بيُصبح مسؤولًا عن حياةٍ مُحطمة و عايز يبني حياة جديدة .

طيب، نعمل إيه ؟ ندمر في نفسنا عشان علاقتنا تستمر ؟

لا، لازم نحاول بطرق عملية ممكن تجيب نتيجة في النهاية و مندمرش اكتر و اكتر
اول حاجة بلاش تاخدوا القرار النهائي بسرعة، وبلاش تستحملوا لغاية لما تتدمروا.
اول لما تلاقوا فيه مشكلة، استعينوا بمتخصص يقولولكم مشكلتكم فين
وازاي تحلوها، قبل لما تتراكم وتهد البيت.
او فكروا في اضرار الطلاق من جميع الجهات الطلااااااااااااااااااااق مش راحة ابدا في كل الحالات

الأضرار اللي على الزوجة:
هتحسي بالظلم خاصةً إذا كان كان الطلاق مئساوي و غير صحي و هتعاني من الاكتئاب.
هتخاف من مستقبل خصوصا لو كان عندها ولاد ، و هتبقي قلقانة علي حياتهم و مستقبلهم و
بتواجه الزوجة صعوبة في انها تتجوز تاني ، خصوصا لو كانت مطلقة باطفال
تفقد الزوجة شعورها بالأمان، وتُصبح مُتشككة في جميع العلاقات.
و لو عندها ولاد ساعات بيتم تقسيمهم مين هياخذ ولاد و مسن في الولاد هتاخده
او باباها و ماماتها بيرفضوا انها تيجي باولادها و ولادها يتوزعوا بينها و بين باباهم قدام عنيها او بيتاخدوا من حضنها برضو

الأضرار على الزوج:
يشعر الزوج بالفشل في بناء أسرة سعيدة، و بيبقي محبط
بيفقد الامان في جميع العلاقات و بيشوف ان الستات ملهاش امان
يتحمل الزوج مسؤولية مالية كبيرة بعد الطلاق، خصوصا لو كان عنده ولاد
و بيواجه صعوبة ساعات برضو لما بيبقي معاه هو الاولاد في الزواج مرة اخري

الأضرار على الأبناء:
يشعر الأبناء بالخوف والقلق على مستقبلهم، ويُصبحون قلقين على حياتهم.
قد يُشعر الأبناء أنهم السبب في طلاق والديهم، ويُصبحون مُحبطين.
يشعر الأبناء بالوحدة، خاصةً إذا كانوا يعيشون مع أحد الوالدين فقط.
يواجه الأبناء صعوبة في تكوين علاقات اجتماعية، ويُصبحون مُنطوين على أنفسهم.
و المشاكل بتبقي كارثية لو الاولاد كانوا في سن المراهقة

و بلاااااااااااااااااااااااااااااش تدخلوا الأهل ما بينكم، عشان غالباً مش هيكون فيه حيادية.
و بلاااااااااااااااااااااااااااااش تدخلوا الصحاب، عشان متلاقيش جوزك اتجوز صحبتك ولا صاحبك اتجوز مراتك

الطلاق ليس نهاية العالم، لكنه قنبلةٌ موقوتةٌ تُهدد بيوتنا.
لازم نستوعب خطورة الظاهرة ديه ، و و لازم ناخذ خطوة بإنقاذ أنفسنا وأولادنا من هذه الكارثة.
الطلاق ليس حلاً، بل هو بدايةٌ لمأساةٍ جديدة.
فلنُصلح أنفسنا قبل أن تُهدم بيوتنا.

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات .. متابعة

مقالات ذات صلة

زر الذهاب إلى الأعلى
رجوع
واتس اب
تيليجرام
ماسنجر
فايبر
اتصل الآن
آخر الأخبار

أنت تستخدم إضافة Adblock

يجب عليك ايقافها لكي يظهر لك المحتوي