الحقنة القاتلة حقنة البرد أو 3×1
كتبت وفاء سليمان محمد
الحقنة القاتلة حقنة البرد أو 3×1
بقينا نشوف للأسف ناس كتير قبل ما تستشير الدكتور بتروح للصيدلي علشان الحقنة دي لو حسوا بأي أعراض للبرد🙂
نحب نوضح مكونات الحقنةدي وايه اضرارها
١) حقنة فولتارين: (وده مسكن قوي لكن ليه آثار جانبية كتيرة زي إنه مع كثرة استعماله بيسبب قرحة في المعدة وممكن يسبب فشل كلوي حاد حتي مع أول مرة).
٢) حقنة الديكساميثازون: (وده كورتيزون بجرعة كبيرة جدا ممكن ترفع مستوي السكر والضغط وممكن تعمل آلام في المعدة وهشاشة عظام ونقص البوتاسيوم لو اتاخدت عمال علي بطال). ٣) المضاد الحيوي: ( غالباً سفترياكسون وطبعا محدش بيعمل اختبار حساسة للمضاد الحيوي لأنه بنسبة غير قليلة ممكن يعمل حساسية وطفح جلدي وضيق في التنفس وفي حالات معينة ممكن تسبب توقف القلب🥲
ده غير إن المضاد الحيوي مينفعش يتكتب بدون وصفة الطبيب ولمدة معينة علشان ما يحصلش منه مقاومة للبكتريا🙂
#ياريت نبعد عن الحقنة دي ونستشير الطبيب المختص قبل اي علاج🙏🏻
