الحب لست بالكلام بلا بالأفعال 
كتبت/وفاء المصري
في اشخاص بينطبق عليهم حرفياً مقولة حلال ليهم و حرام علينا ،
اي حاجة بيعملوها بيخلقو ليها و لنفسهم بدل المبرر و الحجة ألف ، و لو دورت وراها هتلاقيها كلها اعذار خايبة من الاساس ،
و الغريبة انهم بيبقو عايزينك تتقبلها بصدر رحب و تصدقها كمان ،
و يا سلام بقي لو اتحطيت انت في نفس الموقف ، او جربت تعمل حركة بس من حركاتهم ، او تصرف واحد من تصرفاتهم ، حتي لو بتعمل كده من باب انك تحسسهم بنفسهم و باللي بيعملوه ، يزعلو منك برضو و ينتقدوك و يقلبو الدنيا عليك و يحاولو يقنعوك بكل الطرق ان دي حاجة و دي حاجة ،
و غالباً الشخصيات دي في اي علاقة هتلاقيها دايما بتدور بس علي اللي ليها ،
عايزة منك اكتر من حقوقها ، و تتهرب طول الوقت من اللي عليها ، و تغلطك كمان لو طلبته منها او حتي عاتبتها فيه
الحب صحيح تضحية ..بس في فرق مابين حد يفهم ويقدر انك بتضحي عشانه وحد تاني شايفها حق مكتسب و ساعتها هتبقي بترخص من نفسك .. اوعي ترخص من نفسك علشان خاطر أي حد مهما كان غالي عندك و مهما كنت بتحبه ، اللي بيحبك وعايزك هيقدر التضحية و هيعوزك وانت غالي زي م انت .. عمره ماهيرضي ويقبل يشوفك مكسور قدامه او بتقلل من نفسك عشان خاطر ترضيه او يفضل جنبك ، وصدقني اللي مش عايزك هيمشي .. والله هيمشي حتى لو عملتله إيه..
