اذا ذكرت الأخلاق والتواضع لابد أن نذكر قصه حياه ابوتريكه
اذا ذكرت الأخلاق والتواضع لابد أن نذكر قصه حياه ابوتريكه
كناس فى مصنع طوب لمحمد ابوتريكه عم الناس
مثلى مثل المئات والالاف من أبناء الاسر الفقيره ، او المتوسطه الحال كنت اخرج فى الصيف وبعد انتهاء العام الدراسى ، كان كل اللى فى سنى بيعملوا كده .. كان الهدف ان ادبر مصاريفى الخاصه والزياده لمصاريف السنه القادمه
وانا عمرى 13 و 14 سنه
كنت بكنس الارض من الحصى اللى على الارض وفى بعض الاوقات كنت بجيب وجبه الغدا ،، وكنت بصحى لصلاه الفجر وافطر واتوجه للعمل فى المصنع وكنت بعود بعد صلاه المغرب وغالبا كنت اتوجه الى نومى بسبب احساسى بالتعب والارهاق
فى السنه التانيه لعملى فى المصنع كنت بشتغل فى عمليه تقليب المونه وكنت عمليه صعبه جدا ومرهقه
العمل ده ساعدنى فى تقويه عضلاتى واعدادى بدنيا فهو اقوى من اى تدريب كره الان
فى السنه التالته بقيت مسئول عن البرويطه وهى عباره عن مكان يدخل فيه خليط من المونه والرمل لتفريغه بشكل نهائى
اذا ذكرت الأخلاق والتواضع لابد أن نذكر قصه حياه ابوتريكه
كنت بجيب دايما سندوتشات فول وطعميه من عم مكى من قدام نادى الترسانه وباكلها وانا داخل التمرين
كان نفسى ابقى مهندس ده كان حلمى وده اللى توقعه ليا كل الناس ،، ولكن جبت 80 فى الميه وظهرت النتيجه بتاعتى كليه علوم اسكندريه ولكنى حولت اوراقى الى كليه اداب قسم تاريخ والظروف الماديه مكنتش بتسمح انى اخد دروس خصوصيه وانا فى الثانويه العامه
انا بفتخر بابويا اللى بيشتغل جناينى ..عمرى مكنت غاضب منه العمل شرف اى كان كنت اتمنى راحته بعد كل سنواتا لعطاء دى بس هو كان دايما يقول انا احب اكل من عرقى والايد البطاله نجسه
وانا بشوف ابويا فى صوره البطل اللى جاهد وكافح وبفتخر بيه لحد النهارده عشان هو معتز بعمله
علاقتى بالكوره جت ازى ؟
كنت بتابع اخواتى وهما بيلعبوا فى مركز شباب ناهيا واتفرج على مهاراتهم
واصيب احد لاعبى الفريق وعشان انا كنت جديد على اللعبه دخلت فى اول كوره ليا بقوه وتسرع فاتعرضت لترقيصه بلدى ف اخويا اسامه واحمد نصحونى بضروره التحلى بالهدوء فى الملعب
وده كان اول درس كروى اتعلمته فى حياتى
بعد كده بدأت اشارك فى مباريات المدرسه ولما رجلى اتكسرت اخويا الكبير طلب من مدرس التربيه الرياضيه عصام وهيب انى ماشتركش فى مباريات المدرسه
وابويا كان دايما بيساعدنى على لعب الكوره وبيساندنى بس مجاش يشجعنى من الملعب الا فى اخر ايامى فى الترسانه لما سمع ان فى تهديدات بالقتل من جمهور الترسانه عشان انا هنتقل للاهلى
امى كانت بتخاف عليا واتحملت كتير ..ومبقتش تشوف المباريات على الهوا عشان كانت بتخاف عليا وكانت بتعدل بينا كأخوات ومش بتفرق فى المعامله
اتشهرت فى مركز شباب ناهيا والناس عرفت انى لاعيب وفانله النادى الاهلى كانت اول جايزه خدتها بعد لما فريقى كسب دوره رمضانيه وكنت بعتبرها كنز بسبب حبى للاهلى وانا كنت اهلاوى من صغرى وعيلتى كلها اهلاويه وابويا كان بيحضر تدريبات الاهلى فى السبعينات وكان بيحب مستر هيديكوتى والخطيب وطاهر ابو زيد وكان دايما يحكيلى على الخطيب قد ايه ؟؟ ان هو لاعيب مميز وهيديكوتى كان بيحط له كرسى فى منطقه الجزاء ويلعبها عرضيه والخطيب يقوم يجيبها جون ؟!
* روحت أختبارات الأهلى للناشئين
روحت النادى الأهلى وانا عمرى 12 سنة برفقه والدى وأخويا أحمد الكبير اللى عرف أن فى أختبارات ناشئين وانا كنت وقتها فى دورى القطاعات ،، ” جسمك صغير ”
ده كان الرد اللى صدمنى انا ووالدى وأخويا أحمد .. ولكن أخويا أحمد ودانى الترسانه بعدها واتدربت شهرين وبقيت فى فريق الترسانه
* صالح سليم يبدء مفوضات ضم أبوتريكه ثم يموت
مشجع تابع للنادى الأهلى شاف محمد أبوتريكه وبلغ الكابتن عدلى القيعى أن خليفه الخطيب موجود ويجب متابعته وشرائه وكان فى جلسه بين الكابتن حسن فريد والكابتن صالح سليم فى وجودى وطلب أبوتريكه وحسن فريد رفض بحجه انتظار صعود الترسانه للأضواء واحترم الكابتن صالح سليم رغبه حسن فريد وانهى كلامه ب الموضوع أنتهى ياحسن
* أبوتريكه فى أول فتره مع النادى الأهلى
أول مباراه لمحمد أبوتريكه بفانله النادى الأهلى مع أولماس التشيكى مباراه وديه ، 7 فبراير ثانى مباراه رسميه مع طنطا فى كأس مصر واحرز هدفين ، 13 فبراير أول هدف فى الدورى ضد الترسانه فريقه القديم وفاز الأهلى ع الترسانه أصبح عام 2006 هداف الدورى وكان تاسع أهلاوى يحرز لقب هداف الدورى
مواقف أبوتريكه مع النادى الأهلى وجماهيره :
فى معسكر ألمانيا كنت أدخل يوميا الى الخواجه مانويل جوزيه أطلب اللعب .. لأنى فى الفتره دى كنت مصاب .. الخواجه عنفنى وزعق وقالى هطردك من المعسكر كان خايف على أصابتى
فى كأس العالم 2006 تم أبلاغ الكابتن محمود الخطيب بترشيحى ضمن أفضل 3 لاعبين فى البطوله وفعلا نزلت الملعب فى المباره النهائيه أستعداد للحظه ولكن أنترنايشونالى أحرزت هدف وفازت على برشلونه ف ماكنش فى اى سبب الا لترضيه النجم رونالدينهو واللجنه المنظمه أعلنت ان فى خطأ فى الترشيح واهدات اللقب للاعب البرازيلى وبقت أفضل 3 لاعيب فى لبطوله
ضجه فى عام 2008 بعد خساره الأهلى من باتشوكا رفع جمهور لعلم باتشوكا والمكسيك ورفعوا صوره ل محمد أبوتريكه على رأس بقره .. فدافع عن الأهلى قائلا ” القافله تسير “
وظهرت الصحف لتهاجم محمد أبوتريكه وكتبت بدايه النهايه للاعب لمجرد القتال والدفاع عن حق النادى
فى عام 2008 مجله السوبر الأمارتيه طلبت تكريم اللأعب محمد أبوتريكه بجائزه أحسن لاعب قيمه الجائزه نصف مليون جنيه (( 100 ألف دولار ))
تحجب او تعذر سفر اللاعب لأسباب تسويقيه ،، رفض أبوتريكه لأن التكريم اثتاء معسكر الأستعداد لمباره حرس الحدود والأهلى فى الكأس .. ورفع الحرج عن الأداره والنادى الأهلى برفضه السفر وقال تصريح ” انا لاعب محترف بحترم تعاقدى مع النادى (( ومصلحه الأهلى )) ومش هسافر عشان مصلحه شخصيه على مصلحه الفريق “
رغم ان تمت محاولات لسفر أبوتريكه ليوم واحد ولكن رفض ..
الحفل تم أول ماجت لحظه تكريم ابوتريكه تصقيف مدوى فى القاعه وتم أهداء وشاح فلسطين ولكن تم حجب الجائزه الماليه ..
* أبوتريكه يأجل الحج بسبب مباراه مهمه ” ده شغلى ولازم أحترمه وأحافظ عليه “
فى كأس الأمم الأفريقيه 2008 رفع تعاطفا مع غزه ف علم الظابط الغانى المكلف بحمايته ان فى خطر على حياته فقال نصا أنا افديه بروحى ونام بقيه ايام البطوله على باب غرفه أبوتريكه وكان أسم الظابط الحسين عبد الرحيم
” الجمهور اللى يقف ويغنى لينا وأحنا خسرانين اغلى من كنوز الدنيا واموال الهلال “
الجماهير دى أبكيتنى لازم أسعدها وازى أهجرها ولو بملايين الدنيا ؟!
(( أبوتريكه ياحبيبنا اوعى تمشى وتسيبنا ))
أبوتريكه كان بيردد لمسئولى الأهلى : والله عمرى ماهسيب الأهلى لأخر لحظه فى حياتى وقد كان وحصل
السبب فى دموع أبوتريكه بعد العوده من اليابان 2008
أبوتريكه يرفض أكبر صفقه فى تاريخ الكوره العربيه والأفريقيه ..هزم الأنا بداخله
كان سيجنى 16 مليون جنيه مصرى فى ست شهور فقط !
وهناك لاعب هرب وطامع من اجل كام باكو لايحتاجهم ترك الأهلى وباع نفسه لسويسرا
لم يفعله من أختار الجماهير فأختارته
نال اكبر جايزه هى حب الناس حب الجماهير
أبدا مش هتنسى الجماهير ابد الدهر التضحيه دى
عرض لايقاوم ولا يرفضه الأ مجنون كما اطلقت الصحف وقتها
2 مليون جنيه أسترلينى 16 مليون جنيه فى عام 2008 رقم كبير
وفى زياره للنادى الأهلى من مستشفى سرطان الأطفال ..ماتسيبناش يابوتريكه أطفال مستشفى السرطان على شهاده الدكتور المسئول بكوا وطلبوا من أبوتريكه عدم الرحيل
* وأحنا من أمتى بتوع فلوس يامحمد *
ياحاج ايه رأيك فى عرض الهلال السعودى
دى كانت أجابه السؤال لأب ربى محمد أبوتريكه على حب النادى الأهلى
أبوتريكه محب مخلص عمره ماباع فريقه وتاجر بأسمه ومع أول عرض خارجى برقم مهول طلب يمشى
* ابوتريكه أشترى أسم الأهلى بعمره كله ”
للمره التانيه
عرض أهلى دبى :
فى عام 2009 جه عرض ب 24 مليون جنيه مصرى أضخم من عرض الهلال السعودى كان الكل متوقع ان أبوتريكه أختار الجمهور مره وقدر موقفهم صعب يختارهم تانى مره ويرفض عرض ب 24 مليون جنيه ولوتم البيع ب 11 مليون يورو يعنى مبلغ مهول لايمكن ان لاعب يرفضه ..
ولكن أبوتريكه رفضه وأختار للمره التانيه النادى الأهلى والمبلغ المهول
” عرض بشيك مفتوح الرقم ”
عام 2011 للمره التالته فى شهر 6
عرض من ثلاثه أنديه أمارتيه عن طريق وكلاء ونادى قطرى
رفض تام بدون معرفه أسماء الفرق حتى وكان من بينهم الوصل وكان ماردونا المدرب وقتها وكان يفاضل الفريق بين رونالدينهو أو أبوتريكه ولكن أبوتريكه رفض
رغم انه تم عرض عليه شيك يضع فيه الرقم والمبلغ الذى يطلبه مقابل الموافقه على اللعب للنادى الذى يرعاه الشيخ
خايف أمشى وده يمشى وده يمشى والفريق ينهار
أبوتريكه قالها مش هاسيب الأهلى لأخر لحظه فى حياتى
* محمد أبوتريكه : نزلت الميدان لما حسين انى لازم انزل ارفع معنويات الناس
اللاعب الوحيد فى النادى الأهلى الذى أحس بمكان تواجد جمهور الأهلى وشعب مصر وأحس بطلب أستدعاء
نزلت التحرير لما أصيبت بالأحباط زى زى اى حد نزل وانا رمز فى المجتمع وكنت لازم أشارك
ومش ندمان
نجاح او فشل الثوره المهم النزول
كره القدم بتحارب الفقر وأنا أبن فقرا
* دخلت النادى االأهلى بجلابيه بيضه *
بالنسبه لمبادىء الاهلى اللى بتتطبق فى كل الحالات
أنا أول لاعب فى النادى الأهلى أخش بجلابيه بيضاء فى العيد بعد ذبح الأضحيه ذهبت للنادى الأهلى لتوزيع اللحوم على العمال ومعايا شنطه لبس التدريب معسكر مغلق قبل مباره أنبى 2011
امن النادى الأهلى أندهشوا ورفضوا دخولى للتعليمات التى تمنع أى لاعب أو عضو من الدخول بالجلباب .. ولكنى أعتذرت لهم وجريت بين بوابه الدخول وغرفه خلع الملابس
أسوء ماتش فى حياتى .. تعلمت منه أن الكوره مالهاش كبير وكان ليه تأثير مباراه الأهلى والأسماعيلى 2007 3/0
العلاقه مع جمهور الأهلى
أنا كنت مبسوط جدا وسعيد بالموقف اللى عمله جمهور الأهلى فى احداث المحله وعدم نزول الجماهير وده موقف بيبن مدى الوعى
مباراه النادى الأهلى والمصرى (( كارثه بورسعيد ))
أبوتريكه كان يتمنى يخرج أول لما أحداث الشغب أبتديت يمنع اللى بيحصل ولكن أتمنع
الشهداء ماينفعش نناسهم أبدأ
عمرى ماهلعب فى بورسعيد أبدا ولن أذهب أليها طوال حياتى ، فهى مرتبطه بأسوء ذكريات حياتى وعندى رفض نفسى رهيب لايمكن تحاوزه
” موقف مباره السوبر “
خدت قرار انى مش هلعب أحتراما للشهداء أتفهم غلط وأتحسب عليا وأنا كنت متقبل أى قرار
اتعاقبت بالأستبعاد شهرين وغرامه نصف مليون جنيه والحرمان من أرتداء الشاره مدى الحياه
انا متقبل القرار وبحترم مبادىء النادى الأهلى والقيم
توقعت أنى اكون خارج النادى الأهلى للأبد قبل مباراه السوبر بيوم ففكرت فى الأعتذار وترك صوره طيبه لما أمشى
أعتذرت لوائل جمعه الأكبر ولاعبين كتير لما عرفوا انى بعتذر أتصلوا لقبول الأعتذار
فكرت فى الرحيل عن النادى الأهلى لرفع الحرج والضغط عن مجلس ادأره النادى الاهلى
حتى لو عن طريق الأعاره
ذهبت للنادى الأهلى للتريب منفردا عشان أقطع الشائعات وكلام الأعتزال النهائى
* لأول مره تحدث : أنفعلت على مصور تعامل معى تعامل المجرمين حيث أختبأ خلف بوابه النادى لتصويرى رغم أنى لم أعترض على تصويره لى بالفيديو ، *
العرض أستغل الأزمه لتخليص تار بايت بينهم وبين جمهور الأهلى او الجروب التشجيع الخاص بالنادى الأهلى
جالى عرض من بنى ياس الأمارتى صليت أستخاره ولكن رفضته
انتظرت يوم الحكم فى قضيه بورسعيد قضيه شهداء النادى الأهلى حتى لا يتهمنى أحد بفكره الهروب وبعد النطق بالحكم قررت الرحيل للأمارت خاصه بعد تمسك الجانب الأمارتى بى
وأنا مسافر الأمارت واختار الرقم المناسب فى لحظه فكره ال 72 شهيد للنادى الأهلى خطرت ببالى ، كنت عاوز أحتفظ ب 22 ولكن للنادى الأهلى بس
مددت عقدى مع الأهلى على بياض وأتنازلت عن نصف المرتب ورحلت
” ماينفعش أطالب الأهلى اللى ضاع عليه حوالى 48 مليون جنيه بسببى بفلوس وقت م النادى فى أزمه “
رحلت لبنى يأس لحل الازمه الماليه على النادى الأهلى ورفع الحرج عن مجلس الأداره
لولا شهدائنا مكنش وصلنا لليابان 2012 أبوتريكه صرح بيها ل التلفزيون اليابانى
” علاقتى بفلسطين “
كنت بتفتش كل ماتش بعد رفع تعاطفا مع غزه من الحكم الرابع ، أنا كنت بضحك
أمنيه حياتى أزور القدس فى يوم من الأيام ولكن ده لن يحدث الا لما فلسطين تتحرر بأذن الله
وهذا اليوم قادم
فانله تعاطفا مع غزه عندى فى البيت عمرى ماهفرط فيها أبدا
حتى وأن كان ملكا لكم فهو ملكنا ..حتى وأن كان نجم الأهرامات وأرض الحضارت فهو ملك لنا
صحفى مغربى يوم 28/12/2008
ف أخر أرض لمسها كانت أرض المغرب وملاعبها .. وأنتهت وأصبح أسطوره سنعيش على حكايتها. تحياتي وتقديري لمعاليكم الساميه وكل عام وانتم بخير وصحه وسلامه .
اذا ذكرت الأخلاق والتواضع لابد أن نذكر قصه حياه ابوتريكه
