أدب
أمي أنت و أنت أمي

أمي أنت و أنت أمي
بقلم الشاعرة :ناهد احمد
شايفة نفسك قادرة تدي
رغم أن الحيل بعافية
صلب قلبك يا حبيبتي
أوصف إيه و بأي قافية
والغريب كل اللي عاشك
لم خيرك عاش لغيرك
لسة صالبة الحيل قوية
عارفة امتى تسوقي طيرك
كل دا و بيقولوا شاردة
يعرفوا إيه عن حقيقتك
كنت طول العمر وردة
و انطفيتي بتقل شيلتك
كنت تقعي تقومي أقوى
تحفري الصخر بسواعد
واخدة كل الناس حبايب
و اللي حبك ليكي واعد
يلا هانت اهيه يا غالية
كله راسم له طريق
كله شايف نفسه عدى
و أنت بحرك فيه غريق
لما كات الدنيا عتمة
ضى قلبك له نسير
سهل جدا كله يبعد
بس يبقا بخط سير
سهل جدا كله يبعد
بس يبقا بخط سير
تابعنا على جوجل نيوز